အင်းစိန်ထောင်အတွင်းမှ ပရလောကသားများ အပိုင်း (၃)

အင်းစိန်ထောင်အတွင်းမှ ပရလောကသားများ

အင်းစိန်ထောင်မှ ဂန္ထ၀င်စိမ်း – ( ၃ )

ကြိုးတိုက်ထဲမှာ ဆူညံပွက်လောရိုက်နေသလို တစ်ထောင်လုံးလည်း ဆူညံပွက်လောရိုက်နေပါတယ်။ တိုက်ဘေးက ညောင်ပင်မှာရှိတဲ့ ကျီးတွေကလည်း လန့်ပြီးအော်နေကြပါတယ်။ ကျွန်တော့် တစ်ကိုယ် လုံး တဆတ်ဆတ်တုန်ယင် ချောက်ချားနေပါတယ်။ ယောင်ပြီး ထထိုင်လိုက်တဲ့အချိန်မှာပဲ ၀ါဒါတစ် ယောက်က ၀ါးဆစ်ပိတ်ကိုင်ပြီးပြေးလာတယ်။

“ ဟိတ်ကောင် ..ဘာလို့ ထထိုင် တာလဲ။ ခေါင်းချထားစမ်း”

ဝါဒါတွေရဲ့နောက်မှာ တိုက်တာဝန် ကျထောင်မှူးလည်းရောက်လာတယ်။ သူက တစ်တိုက်လုံးကို လှမ်းအော်လိုက်တယ်။

“ အားလုံး အသံမထွက်နဲ့။ အသံ ကြားတဲ့အခန်းကို ၀င်ပြီးရိုက်”

ထောင်မှူးရဲ့ စကားဆုံးတဲ့ အချိန်မှာပဲ ကြိုးတိုက်တစ်တိုက်လုံး အသံတိတ် သွားပါတယ်။ တပ်ကြပ်ကြီးတစ်ယောက်က အခြေအနေအားလုံးငြိမ်သွားတဲ့ အချိန်မှာ အကျဉ်းသားတွေကို အမိန့်ပေး လိုက်တယ်။

“ ပုံစံ ”

သူ့စကားဆုံးဆုံးချင်း အကျဉ်းသား တွေအားလုံး အိပ်ရာပေါ်ကထပြီး ပုံစံထိုင် လိုက်တယ်။ တာဝန်ကျ ၀န်ထမ်းက တစ်ခန်းချင်းလူလိုက်စစ်တယ်။ အခန်းအရေ အတွက်နဲ့ အကျဉ်းသားအရေအတွက်ကိုက် တဲ့ အချိန်မှာ ထောင်မှူးကို သတင်းပို့လိုက်တယ်။

“ တိုက်ဆောင် အမှတ်-၂ ကြိုးတိုက် အခန်းအရေအတွက် ၄၀၊ အကျဉ်းသား အရေအတွက် ၅၇ အားလုံးကောင်း”

“ အေးစေ “

စကားဆုံးတဲ့အချိန်မှာ ထောင်မှူးနဲ့ ၀ါဒါတွေအားလုံး ပြန်ထွက်ခွာသွားကြတယ်။ တစ်ထောင်လုံးလည်း တိတ် ဆိတ်သွားတယ်။ အကျဉ်းသားတွေက တော့ ချက်ချင်းမအိပ်နိုင်သေးဘဲ တစ် ယောက်နဲ့တစ် ယောက် ကြောင်တောင်တောင် ကြည့်နေကြတယ်။ နောက် တစ်နေ့မနက် ၅ နာရီမှာ အိပ်ရာပေါ် မှာတင် ဘုရားရှိခိုးရတယ်။ ၆ နာရီရောက် မှ တန်းဖြုတ်သံချောင်းခေါက် သံကြားရပြီး အကျဉ်းသား တွေ စားဖို့ ဆန်ပြုတ်ပုံးတွေ ရောက်လာ တယ်။

အင်းစိန်ထောင်အတွင်းမှ ပရလောကသားများ
ငါးခန်း တစ်သုတ်တံခါးဖွင့် ပေးပြီးမှ မျက်နှာသွား သစ်ရတာပါ။ ကျွန်တော်လည်း အင်းစိန်ထောင်ရဲ့ ပထမဆုံးညကို ချောက်ချောက် ချားချား ဖြတ်သန်း ခဲ့ပြီး တဲ့နောက် ကြိုးတိုက်မှာ ဘယ်သူနဲ့ မိတ်ဆွေဖွဲ့ရမှန်း မသိသေးဘဲ ယောင်နန ဖြစ်နေပါတယ်။ မျက်နှာသစ်ဖို့ အလှည့်ရောက်တဲ့အခါမှာ သွားတိုက်ဆေး နဲ့ ဆပ်ပြာဘာမှပါ မလာတဲ့အတွက် ရေနဲ့ပဲခပ်မြန်မြန်သစ်လိုက်တယ်။ ဒါပေမဲ့ ရေကန်ပေါ် ရောက်နေတဲ့ ကြိုးသမား တစ်ယောက်က သူ့ရဲ့ဆပ်ပြာကို လှမ်းပေး လိုက်တယ်။ ကျွန်တော်လည်း ဟန်မဆောင် နိုင်ဘဲ ယူပြီးမျက်နှာအား ပါးတရ သစ် လိုက်ပါတယ်။

ထောင်ကပေးတဲ့ ပုံစံပန်းကန်ထဲက ဆန်ပြုတ်ကို သောက်ကြည့်တော့ ဆီမပါ၊ ဆားမပါနဲ့ ဘယ်လိုမှ သောက်မရပါဘူး။ ဒါနဲ့ အခန်းအပြင်ကို တောင်တောင်အီအီ လိုက်ကြည့်လိုက်တော့ ကျွန်တော့်အခက် အခဲကို နားလည်ပုံရတဲ့ အသားဖြူဖြူ ခပ် ပိန်ပိန်လူတစ်ယောက်က ဆားဘူးတစ်ဘူး လာပေးတယ်။

“ ရော့။ ဒီဆားဘူး ယူထားလိုက်”

“ ကျေးဇူးပဲဗျာ”

မနေ့က ကြိုးတိုက်ကို ပို့မယ်ဆိုတော့ ထိတ်လန့်တုန်လှုပ်ခဲ့ရတဲ့ စိတ်ဟာကြိုး သမားတွေရဲ့ နွေးနွေး ထွေးထွေးကြိုဆိုမှု ကြောင့် အနည်းငယ်လျော့ပါးသွားခဲ့ရ တယ်။ အချိန်အနည်းငယ် အတွင်းမှာပဲ အခန်းဘေးက အကျဉ်းသားတွေနဲ့ မြန်မြန် ဆန်ဆန် မိတ်ဆွေဖြစ်သွားပါတယ်။

အင်းစိန်ထောင် အတွင်းမှ ပရလောကသားများ
ကျွန်တော့် ကို ရေကန် မှာ ဆပ်ပြာပေးသုံးတဲ့ ညိုညို ကျစ်ကျစ် အကျဉ်းသားကလည်း ကျွန်တော့် ကို ဆေးလိပ်သောက် တတ်လားမေးပြီး ကျားမသန်းဌေးဆေးလိပ် တစ်လိပ်လာ ပေးတယ်။ စစ်ကြောရေးကတည်းက ဆေး လိပ်ငတ်ခဲ့တော့ ကျွန်တော့်အတွက် ဘ၀မှာ အရသာအရှိဆုံး ဆေးလိပ်တစ်လိပ် ဖြစ်ခဲ့ပါတယ်။

အဲဒီတော့မှကျွန်တော်ထောင်ကို စရောက်ရောက်ချင်းညက အဖြစ်အပျက် တွေအကြောင်း မေးကြည့်မိပါတယ်။ သူတို့ ပြောတာကတော့ အင်းစိန်ထောင် ဟာ နှစ်တစ်ရာကျော် သက်တမ်းရှိပြီး မလွတ်မကျွတ်တဲ့ ၀ိညာဉ်တွေ၊ အမျှ အတမ်း မဝေရသေးတဲ့ ပရလောကသား တွေ အများကြီးရှိနေ သေးတယ်လို့ ဆိုပါ တယ်။ ဒါကြောင့် ထောင်မှာ အသားစား ကျွေးတဲ့နေ့ရက်တွေဆိုရင် “ ထောင်စီး” တတ်တယ်လို့ဆိုတယ်။ ဒီစကားလုံးဟာ ကျွန်တော့်အတွက်တော့ အသစ်အဆန်း ပါပဲ။

“ ထောင်စီး တယ်ဆိုတာ ၀ိညာဉ်တွေ ပူးပြီး အော်ကြဟစ်ကြတာပါပဲကွာ။ ၀န်ထမ်းတွေ ၀င်ရိုက်မှ သူတို့က ထွက်သွား တော့ ၀င်စီးခံရတဲ့အကျဉ်းသား ခမျာ ခပ်မြော့မြော့ပဲ ကျန်ရစ်ခဲ့တာ။ ဒါကြောင့် ဘယ်သူကမှတော့ တမင်လုပ်ကြံပြီး အော် ကြဟစ်ကြတာ မဟုတ်ဘူး။ ငါ့တို့အတွက် တော့ ရိုးနေပါပြီကွာ” လို့ ဆေးလိပ်လာ ပေးတဲ့ ကြိုးသမားက ရှင်းပြပါတယ်။

ကျွန်တော့်ကို ရှင်းပြတဲ့သူကတော့ အင်းစိန်ထောင်မှ ဂန္ထ၀င်လူမိုက်ကြီး စာအုပ်မှာ ပါတဲ့ ဇာတ်လိုက်ကျော် ကိုစိန်ကုလား ဆိုတာ နောက်မှသိရပါတယ်။ သူက တာမွေကောင်စီလူကြီးကို သတ်ခဲ့လို့ သေဒဏ်ကျခဲ့တာ ဖြစ်ပါတယ်။

သူပြောလို့ သိရတာက ကျွန်တော့်ကို ဆားဘူးပေးတဲ့အကျဉ်းသားဟာ ၁၉၈၀ ကျော်လောက်က အမွေမှုကြောင့် မောင် နှမအချင်းချင်းသတ်ပြီး အလောင်းကို ကျွန်းသေတ္တာထဲထည့်ကာ ဗိုလ်ချုပ်ဈေး မှာချထားခဲ့တဲ့ နာမည်ကျော် လူသတ်မှုရဲ့ တရားခံကြီး ဖြစ်ပါတယ်။

အင်းစိန်ထောင် အတွင်းမှ ပရလောကသားများ
ကျွန်တော်နဲ့တွေ့ တဲ့ အချိန်မှာ တော့ နိုင်ငံတော်ငြိမ်ဝပ် ပိပြားမှုတည်ဆောက်ရေးအဖွဲ့ရဲ့ လွတ်ငြိမ်း ချမ်းသာခွင့် အမိန့် ကြောင့် သေဒဏ်က လွတ်ပြီး တစ်သက်တစ်ကျွန်း ပြစ်ဒဏ်ကို ပြောင်းရွှေ့သွားခဲ့သူဖြစ်ပါတယ်။ နောက်တစ်ယောက် ကတော့ မွန်မွန်ရည်ရည်နဲ့ ဘိုကလေးက ကျောင်းဆရာတစ်ယောက် ပါ။ ဖဲရှုံးလို့ ကျန်ရာမရဘဲ လှေပေါ်မှာပါ လာတဲ့ ကလေးမလေးကို လှော်တက်နဲ့ ရိုက်ပြီး နားကပ်ကို ချွတ်ယူခဲ့တာကြောင့် သေဒဏ်အပြစ်ပေးခြင်းခံခဲ့ရသူဖြစ်ပါတယ်။ ဒီစာအုပ်မှာ ပဲပါတဲ့ မြခေါင်တို့၊ ဘုန်းကြီးကိုသတ်ပြီး ကထိန်မှာကပ်ထားတဲ့ ငွေစက်္ကူတွေကို ခိုးတဲ့အငယ်လေးနဲ့ နာနီ၊ အိမ်နီနားချင်း အချင်းချင်းမတည့်လို့ ဘေးအိမ်က ကလေးလေးကို မုန့်ကျွေး သတ်ပြီး အိမ်သာကျင်းထဲမှာထည့်ပြီး အလောင်းဖျောက်ခဲ့တဲ့ သားအဖသုံး ယောက်လည်း ကြိုးလွှတ်ကာစပဲ ရှိပါသေး တယ်။

ကျွန်တော့်အပေါ် အစစအရာရာ ကူညီတဲ့ လူသုံးယောက်ကတော့ မြန်မာ့ အသံကို ဗုံးနဲ့ပစ်ဖို့ စီစဉ်ခဲ့တဲ့ မန်းငွေ အောင် ရဲ့ အမှုတွဲ ရစ်ကီ၊ ရစ်ချက်၊ တွတ်ကီ ဆိုတဲ့ ကရင်လေးတွေပါပဲ။ သူတို့ လည်း ၁၉၈၈ အရေးအခင်းကြောင့် သေဒဏ် ကြိုးလွှတ် ခဲ့ရတာဖြစ်ပါတယ်။ သူတို့ ထဲမှာ ကြိုးတိုက်ထဲမှာအနေအကြာဆုံး ကြိုးသမား တစ်ယောက်က ကျွန်တော့်ကို ပြောလိုက်တဲ့ စကားတစ်ခွန်းကြောင့် သုံး ညလောက် အိပ်မပျော်ဖြစ်ခဲ့ရတာလည်း မှတ်တမ်းတစ်ခုပါပဲ။ မှန်၊ မမှန် သက်သေ မပြနိုင်ပေမယ့် သူက ကျွန်တော်အိပ်တဲ့ အခန်းဟာ တစ်ချိန်က မြန်မာတစ်နိုင်ငံလုံး တုန်လှုပ်ခဲ့ရတဲ့ လူသားစား ဘုန်းကြီး ဦးလာဘနေခဲ့တဲ့အခန်းလို့ ပြောလိုက်လို့ ဖြစ်ပါတယ်။ ကျွန်တော်က သူ့စကား ကြောင့် အခန်းပြောင်းဖို့ တင်ပြ ပေမယ့် ထောင်အာဏာပိုင်တွေကတော့ မလိုက် လျောခဲ့ပါဘူး။ နောက်တော့လည်း ဒီ အခန်းမှာ အသားကျသွားပါတယ်။

ကျွန်တော်က အချုပ်ပဲရှိ သေးလို့ အိမ်နဲ့ တွေ့ခွင့် မရသေးတဲ့အချိန်မှာ ကိုစိန်ကုလား တို့၊ ရစ်ချက် တို့က စောင့်ရှောက် ထားပါတယ်။ ကိုစိန်ကုလားက သေဒဏ် ကြိုးလွှတ်ဆိုပေမယ့် ဆေးရုံစာရတော့ ကျွန်တော့်ကို နေ့စဉ် ကြက်ဥပြုတ် နှစ်လုံး လာလာပေးတယ်။ ဒီလိုနဲ့ ကြိုးတိုက်မှာ အသားကျသွားပြီး ဒီမှာနေတဲ့ သေဒဏ်ကျ အကျဉ်းသားတွေ၊ ကြိုးလွှတ် အကျဉ်းသား တွေ အားလုံးနဲ့ ခင်မင်သွားပါတယ်။ သူတို့ဆီကလည်း သေဒဏ်ပေးခံလိုက်ရ တဲ့ သူတွေအကြောင်း၊ ကြိုးတိုက်မှာနေ သွားတဲ့ နာမည်ကြီးအကျဉ်းသားတွေ အကြောင်း ဒဏ္ဍာရီပုံပြင်လို နားထောင်ရ ပါတယ်။

အင်းစိန်ထောင် အတွင်းမှ ပရလောကသားများ
သူတို့ပြော စကားအရ ထောင်မှာ သေဒဏ်ကျအကျဉ်းသားကို ကြိုးပေးတော့ မယ်ဆိုရင် ကြိုးတိုက်ကနေ ကြိုးစင်ကို တိုက်ရိုက် ထုတ်မသွားပါဘူး။ တိုက်တွေရဲ့ ဖွဲ့စည်းပုံအရ အင်းစိန်ထောင်ထဲမှာ တိုက် ခြောက် တိုက်ရှိပါတယ်။ ဒီတိုက်တွေထဲမှာ ကြိုးသမားတွေကိုထားတဲ့ ၂ တိုက်သာ ရင်ကွဲတိုက်ဖြစ်ပြီး ကျန်တာတွေက တိုက် တန်းလျားတွေ ဖြစ်ပါတယ်။

ဒီအထဲမှာ လေးတိုက်က အရှည်ဆုံးမို့ ၄တိုနဲ့ ၄ရှည် ဆိုပြီး ခွဲခြားထားတယ်။ ၄ တိုက်ရဲ့ မျက်နှာချင်း ဆိုင်မှာ ၅ တိုက်ရှိပြီး ၅ တိုက်ရဲ့ ကျောဘက်မှာတော့ ကြိုး စင် ရှိပါတယ်။ ကြိုးစင်ကိုသွားတဲ့ တံခါး ပေါက်ကို ၅ တိုက်ဘေးနားမှာ ဖောက် ပေးထားပါတယ်။

ဒါကြောင့် ကြိုးပေး မယ့်အကျဉ်းသားကို ကြိုးမပေးခင် နောက် ဆုံးညမှာ ကြိုးတိုက်ကနေ ၅ တိုက်ကို ရွှေ့ပါတယ်။ ၅ တိုက်ရဲ့ နောက် ဆုံး ခန်းဖြစ်တဲ့ အခန်းနံပါတ် ၂၂ မှာ သူ့ကို ထားပြီး ညဘက်မှာပဲ ဘုန်းကြီးတွေပင့် ကာ သရဏဂုံ တင်ပါတယ်။ မနက် ၄နာရီ ထိုးမှ အခန်း ၂၂က ထုတ်ပြီး ၅ တိုက် ဘေးမှာရှိတဲ့ ကြိုးတံခါးက ထွက်လို့ ကြိုးစင်ဆီ သွားရတာ ဖြစ်ပါတယ်။

ကြိုးသမား တစ်ယောက်ကို ကြိုးပေးမယ်ဆိုရင် သူ့ရဲ့ ကိုယ်အလေးချိန်ကို လာတိုင်းပြီး ထောင် အတွင်းထဲမှာ အကျဉ်းသားတွေက ကြိုး ကျစ်ပေးရပါတယ်။ ကြိုးကို သေဒဏ်ပေး မယ့် အကျဉ်းသား ရဲ့ အခန်းရှေ့မှာပဲ တစ် ရက်အတွင်း အပြီးကျစ်ပေးရတယ်လို့ ဆို ပါတယ်။ ဘိုကလေးက ကျောင်း ဆရာ ရဲ့ အပြောအရကတော့ သေဒဏ် ပေးမယ့် ချည်ကြိုးကို ဓားနဲ့ဖြတ်ကြည့်ရင် သွေးထွက် တယ်လို့လည်းပြောပါတယ်။ ဒါကတော့ ယုံချင်ယုံ၊ မယုံချင်ရင်နေ ပုံပြင်ပါပဲ။

အင်းစိန်ထောင်အတွင်းက ပရလောကသားများ
ကြိုးသမားတွေမှာပဲ သေဒဏ်ပေး ထားပေမယ့် လူသားတစ်ယောက်ရဲ့ အခွင့် အရေးတွေတော့ ရှိပါတယ်။ ဒါကတော့ ကြိုးမပေးခင်မှာ မိမိမိသားစုနဲ့ ထောင်ဝင် စာတွေ့ခွင့်ပေးပြီး သံဆန်ခါ နှစ်ထပ်ခြား နေတဲ့ ထောင်ဝင်စာခန်းမှာ မဟုတ်ဘဲ ထောင်ပိုင်ကြီး ရုံးခန်းမှာနောက်ဆုံးအကြိမ် လွတ်လွတ်လပ် လပ်တွေ့ခွင့်ပြုထားပါ တယ်။

ကြိုးကျအကျဉ်းသားဟာ ကြိုးပေး မခံရခင် နောက်ဆုံးနေ့မှာ မိမိစားချင်တဲ့ အစားအစာကိုလည်း တောင်းဆိုပိုင်ခွင့် ရှိပါတယ်။ ကြိုးပေးတဲ့အချိန်ကတော့ နံနက်ထောင် မဖွင့်ခင် အပြီးပေးရတာ ဖြစ်ပြီး ကြိုးစင်မှာ ဒေါက်ဖြုတ်တဲ့ သူဟာ အကျဉ်းဦးစီး ၀န်ထမ်းဆိုရင် ရာထူးတစ်ဆင့်တိုးပေးရသလို အကျဉ်းသားဆိုရင် ဆုမှတ်ရက် ၄၄ရက် ပေးရပါတယ်။ ထောင် မှာက အကျဉ်းသားအတွက် ဆုမှတ်ရက် ပေးရင်အလုပ်မလုပ် နိုင်တဲ့သူတွေအတွက် ၃လတစ်ကြိမ် ကတုံးရက်လို့ခေါ်တဲ့ ၂၂ရက် သာရပြီး မိလ်္လာအညစ်အကြေး တွေကို သန့်ရှင်းရေးလုပ်ကိုင်ရတဲ့ အကျဉ်း သားတွေကတော့ ဆုမှတ်ရက် ၃၃ ရက်ရ ပါတယ်။

အရင်ကတော့ ထောင်မှာ ကြိုးပေး ရင် ဒေါက်ဖြုတ်အုန်းမောင်ဆိုတဲ့ အကျဉ်း သားက ပင်တိုင်တာဝန်ယူလေ့ရှိပါ တယ်။ ကြိုးသမားကို ကြိုးစင်ပေါ် မတက်ခင်မှာ ထောင်ညွှန်ကြား ရေးမှူးအဆင့်တစ်ဦး၊ ထောင် ဆရာဝန်တစ်ဦးနဲ့ တာဝန်ကျ ထောင်ဝန်ထမ်းတွေ အားလုံးက တာဝန်ယူ ဆောင်ရွက်ရပါတယ်။

ကြိုးစင်ရဲ့ ကြမ်းခင်း မှာ သံပြားနှစ်ချပ်ကို ဆက်ထားပြီး ဒေါက်ဖြုတ်လိုက်တဲ့အခါ လူရဲ့ခန်္ဓာ ကိုယ် က အောက်ကိုပြုတ်ကျ ဇိဝိန်ချုပ် ငြိမ်းသွား တာ ဖြစ်ပါတယ်။ ဒါပေမဲ့ ကံထူးတဲ့ အကျဉ်းသားဟာ ဒေါက်ဖြုတ်လိုက်ပေ မယ့် အသက်မသေဘဲ ငွေ့ငွေ့ကျန်သေးရင် တစ်ကြိုးပြစ်ဒဏ်ဆိုရင် လွတ်ငြိမ်းချမ်း သာခွင့်ပြုပါတယ်။

နှစ်ကြိုးပြစ်ဒဏ် ဒါမှမဟုတ် မသေမချင်းကြိုးကွင်းစွပ် သတ်စေအမိန့်ပါရင်တော့ စိတ်မကောင်း စွာနဲ့ပဲ ကြိုးပြန်ပေးရတာ ဖြစ်ပါတယ်။ ဒီလို ကြိုးပေးတဲ့နေ့မှာ ကြိုးစင်နဲ့ ၁ ဆောင်ကြား မှာရှိတဲ့ ညောင်ပင်ကြီးပေါ်က ကျီးတွေပြို လေ့ရှိပြီး မနက် မလင်းခင် ကျီးပြိုသံ တွေကြားရင် ဒါဟာ သေဒဏ်အကျဉ်းသား တစ်ယောက်ကို ကြိုးပေးလိုက်ပြီဆိုတဲ့ သင်္ကေတပါပဲ။

ဒါကြောင့် ရာဇ၀င်တွေ၊ ဒဏ္ဍာရီ တွေ ပြည့်နေတဲ့ အင်းစိန်ထောင်က ကြိုးစင်ဟာ စိတ်ဝင်စားစရာ ကောင်း လွန်းနေပါတယ်။ ကြိုးတိုက်က ကြိုး သမားတွေဆိုတာကလည်း လွတ်ငြိမ်း ချမ်းသာခွင့် မလာသရွေ့ ငါ ကြိုးစင်သွား ရမယ်ဆိုတာကို တစ်နေ့တစ်ခါ တွေးမိ နေတာ ဖြစ်ပါတယ်။

သူတို့ပြောတဲ့ ကြိုးသမား တွေထဲက ကြိုးပေးခံလိုက်ရတဲ့ လူတစ်ယောက် ပြောသွားတဲ့ စကားကတော့ ကြိုးတိုက် ထဲမှာ ယနေ့အထိ ပြောစမှတ်တွေ ကျန် ရစ်ခဲ့ပါတယ်။

ပြောတဲ့သူကတော့ ရန်ကုန်ပြည်သူ့ ဆေးရုံကြီးကို ဗုံးခွဲလို့ကြိုးပေးခံလိုက်ရတဲ့ “ ပြည်ပြေးညွန့်တင်” မသေခင်သူပြော လိုက်တာက….

ဆက်လက်ဖော်ပြပါမည်။

ရေးသားသူ – ဇော်သက်ထွေး, Tomorrow

Facebook Comments