ချီချီ့ကို ပါးရိုက်မိလုိ့ နာမည်တွေ ကြီးသွားဦးမယ်ဆိုတဲ့ မေဘရဏီသော်

ချီချီ့ကို ပါးရိုက်မိလုိ့ နာမည်တွေ ကြီးသွားဦးမယ်ဆိုတဲ့ မေဘရဏီသော်

‘အခမ်းနားဆုံးမေတ္တာ’ ရုပ်ရှင်ကားကြီးမှာတော့ နေတိုး ၊ ရဲအောင် ၊ သူရိယ ၊ တိုင်ရွန်၊ စိုးမြတ်သူဇာ ၊ နေခြည်ဦး နဲ့ မေဘရဏီသော်တို့ အဓိက ပါဝင်သရုပ်ဆောင်ထားတာ ဖြစ်ပါတယ်။ ဒီရုပ်ရှင်ကားမှာ နေရွှေသွေးအောင်လည်း ပါဝင်မှာဖြစ်တဲ့အတွက် နေသုံးနေကို တွေ့ရမယ်လို့ တင်စားထားတွေ ရှိပါတယ်။ ဇွန်လ (၅) ရက်နေ့မှာ ရိုက်ကူးမှု ပြီးစီးသွားပေမဲ့ ဇာတ်ကားနဲ့ ပတ်သက်လို့ အမှတ်တရ အချို့ကတော့ Miss မေဘရဏီသော်က ခုလို ပြောပြသွားပါတယ်။

နေတိုး ဝင်မဆွဲလို့ ပါးရိုက်မိမလို ဖြစ်တဲ့အကြောင်း မေဘရဏီသော်က ခုလို ပြောပြပါတယ်။

“ကိုယ်က သရုပ်ဆောင်သာလိုက်တယ်။ တစ်ခါမှ ပါးရိုက်ရတဲ့ အခန်း မလုပ်ဖူးဘူး။ အပြင်မှာလည်း လူတစ်ယောက်ကို အဲ့လိုမျိုး မရိုက်ခဲ့ဖူးဘူးဆိုတော့ တကယ်ရိုက်ရတာတော့ မဟုတ်ဘူး။ အကိုက ကိုယ့်လက်ကို လှမ်းပြီး ဆွဲရမယ့်အခန်း ၊ တကယ်တမ်း ရိုက်ရမယ်ဆိုတော့ ကိုယ့်လက်ကလည်း အားပျော့နေတာပေါ့နော်။ သူ့ကို ထိမိမှာကြောက်လို့။ နောက်တော့ အကိုက ညီမလေး တကယ်ရိုက်…အကိုဖမ်းဆွဲမယ်ဆိုတော့ ..ချီချီကလည်း အားမနာနဲ့ တကယ်ရိုက်နော်တဲ့။ အဲ့မှာတင် ကိုယ်လည်း ခန္ဓာကိုယ်ပါပါတယ် အားနဲ့ အသားကုန် လွှဲရိုက်တာ။ ဒါပေမဲ့ အကိုက လှမ်းမဆွဲဘူး။ သူ့ကိုတော့ မထိဘူး သူ့နှာခေါင်းရှေ့ကနေ ရှပ်ခနဲ ဖြစ်သွားတာ။ ရိုက်ကွင်းအဖွဲ့သားတွေ အကုန်လုံး မျက်လုံးပြူးသွားတာ။ ချီချီဆိုလည်း မျက်နှာကို လေလာရိုက်သွားတယ်တဲ့။ ရွှီခနဲ သူ့ရှေ့ကို ရိုက်သွားတာ အသံတောင် ကြားရတယ်တဲ့။ နောက်တစ်ခါကျတော့ အကိုက ထိထိမိမိနဲ့ လှမ်းဆွဲပါတယ်။” လို့ ဆိုပါတယ်။

တကယ်တမ်းသာ ထိမိသွားရင်တော့ အပြတ်ပြတ်နဲ့ နှာခေါင်းသွေးထွက်ပြီး နာမည်တွေ ကြီးသွားဦးမယ်လို့ မေဘရဏီသော်က ဆိုပါတယ်။

နေခြည်ဦးနဲ့ ပတ်သက်ပြီး မေဘရဏီသော်ကတော့ ခုလိုမျိုး ချီးကျူးသွားပါတယ်။

“ချီလည်း တကယ်ကြိုးစားပါတယ်။ ပြီးတော့ အများကြီး ကျင့်ထားတော့ တော်ပါတယ်။ မေသော်လည်း အသစ်တစ်ယောက်ဆိုတော့ မြင်ဆရာတွေကိုပဲကြည့်ပြီး အကောင်းဆုံး ကြိုးစားတယ်။ ချီချီက လူငယ်တစ်ယောက်လည်းဖြစ်တယ်။ ပွင့်ပွင့်လည်းလည်းဖြစ်တယ်။ အကုန်လုံးနဲ့ လိုက်လျောညီထွေ ရှိတယ်ဆိုတော့ ခင်ဖို့လည်း ကောင်းပါတယ်။” ဆိုပြီး ပြောပြသွားပါတယ်။

‘အခမ်းနားဆုံး မေတ္တာ’ ရုပ်ရှင်ကားကြီးမှာ နေခြည်ဦးနဲ့ ကိုနေတိုးရဲ့ Ro ခန်းတွေ အများကြီး ပါမယ်လို့ သိရပါတယ်။ ရုပ်ရှင်ကားကြီးကိုတော့ မကြာမီ လာမည်မျှော်ပါ။

Facebook Comments