အားမပေးချင်နေပါ အရမ်းကြီး မဆဲကြပါနဲ့ဆိုတဲ့ ကေညီ

အားမပေးချင်နေပါ အရမ်းကြီး မဆဲကြပါနဲ့ဆိုတဲ့ ကေညီ

ရုပ်ရှင်ဇာတ်ကားတွေမှာ အကြမ်းအရမ်း ဟာသ ဒရမ်မာ အလွမ်းအဆွေး စတာတွေကို အကောင်းဆုံး အပိုင်နိုင်ဆုံး သရုပ်ဆောင်နိုင်တဲ့ ပြည်သူချစ်အနုပညာ မြင့်မြတ်ကတော့ လတ်တလောမှာ သရုပ်ဆောင်ကေညီကတော့ ပရိသတ်တွေအနေနဲ့ အားမပေးချင်နေပါ အရမ်းကြီး မဆဲပါနဲ့လို့ 8days နဲ့ အင်တာဗျူးတစ်ခုကနေ မေတ္တာရပ်ခံသွားခဲ့ပါတယ်။

ကေညီက “တစ်ခါတစ်လေကျရင် facebook မှာ အလကားနေရင်း ဆဲနေကြတဲ့သူတွေရှိတယ်လေ။ ဆဲတာက ဆဲလို့ရပါတယ်။ တကယ်တမ်းပြန်စဉ်းစားကြည့်ရင် ကျွန်တော်တို့ကို ဆဲအောင်လည်း သူတို့ကိုဘာမှလည်း လုပ်တာ မဟုတ်ဘူးဗျာ။ တစ်ခါတစ်လေကိရင် ကိုယ်တင်ထားတဲ့ ပို့်စ်တစ်ခုမှာ ဝင်ပြီး ရိုင်းရိုင်းစိုင်းစိုင်းတွေရေးတော့ ကျွန်တော်လည်း တစ်ခါတစ်လေ စိတ်အခန့်မသင့်လို့ ပြန်ရေးမိတော့ သူက ပြန်ရေးရော။ ပြန်ရေးတဲ့အခါမှာ သူရေးကိုယ်ရေးနဲ့ နောက်ပိုင်းသူက စကားလုံး အသုံးအနှုန်းတွေက အရမ်းရင့်လာတယ်။ အဲ့လိုမျိူးကျတော့ တစ်ဖက်လူက ခံစားရခက်တာပေါ့နော်။ အနုပညာရှင်တိုင်းလည်းလေ ကျွန်တော်တို့အနုပညာအလုပ်နဲ့ ကြီးပြင်းလာတာ သိပ်မကြာသေးပါဘူး။

သူတို့ပြောတဲ့ပုံအရ ကျွန်တော့်ကို သူကျွေးလို့ လူဖြစ်လာတဲ့ လူကများတဲ့ အဲ့တာကတော့ မဟုတ်ဘူးလေ ကျွန်တော့်အမေအဖေ ကျွေးမွေးလို့ပဲ အသက် ၃၀ လောက်ဖြစ်နေပြီ။ ဒီအနုပညာလုပ်တာမှ ၁၀ နှစ်လောက်ပဲ ရှိသေးတယ် အဲ့လိုတွေပေါ့ သိမ်းကျုံးပြီးတော့ မပြောသင့်ဘူးပေါ့နော်။ တကယ်တမ်းကျွန်တော်တို့ကို ချစ်တဲ့ပရိသတ်က အဲ့လိုပြောမှာ မဟုတ်ဘူး တကယ်အားပေးတဲ့ ပရိသတ်ကလည်း အဲ့လိုပြောမှာမဟုတ်ဘူး။ ကျွန်တော်ပြောချင်တာက အားမပေးရင် နေပါ ကျွန်တော်တို့ ကြိုးစားခဲ့တာလေးကို အသိအမှတ်မပြုရင်လည်း နေပါ ဒါပေမဲ့အလကားနေရင်း မဆဲဖို့တော့ တောင်းပန်ချင်ပါတယ်။ ဒါက ကျွန်တော်တို့က အနူးအညွတ်တောင်းပန်တာပါ။”လို့ ပြောသွားခဲ့ပါတယ်။

ပျော်ပျော်နေတတ်တဲ့ သူဆိုတော့ ဆဲခံရရင် ဘယ်လို ခံစားရလဲလို့ မေးမြန်းရာ “လူပဲဗျာ စိတ်တွေနဲ့ တည်ဆောက်ထားတာပဲ အပြင်ကလူလည်း သူ့ကိုဆဲရင် သူလည်းကြိုက်မှာ မဟုတ်ဘူး သဘောက အနုပညာသမားက စိတ်နဲ့ ပိုပြီးတည်ဆောက်ရတဲ့လူတွေပေါ့နော် အဲ့တော့ ပိုခံစားတတ်လွယ်ပါတယ် အဲ့အတွက်ကြောင့် တော်ရုံတန်ရုံ ဆိုလည်း အမြဲတမ်း အောက်ကပဲ နေပါတယ်။

ပရိသတ်ဆိုတာကို ကျွန်တော်တို့ အများကြီး အပေါ်မှာ ထားပါတယ်။ တချို့က လိုတာထက်ပိုများလာတယ် အရမ်းခံစားရပါတယ်။ ကျွန်တော်တို့ကို အားမပေးချင်နေပါ အရမ်းကြီး မဆဲကြပါနဲ့ ကျွန်တော်တို့ ဆဲရအောင်လည်း ဘာမှလုပ်နေတာ မဟုတ်ပါဘူး။” လို့ပြောသွားခဲ့ပါတယ်။

Facebook Comments