ဓါးနဲ့ ပြန်ခုတ်ဖို့ကြိုးစားတဲ့ မန္တလေးက ဓါးကိုင်လူမိုက်တွေကို ဖမ်းလိုက်ပြီ…

ဓါးနဲ့ ပြန်ခုတ်ဖို့ကြိုးစားတဲ့ မန္တလေးက ဓါးကိုင်လူမိုက်တွေကို ဖမ်းလိုက်ပြီ…

မန်းလေးတွင် ရဲတပ်ဖွဲ့ဝင်များကိုတောင် ဓါးနဲ့ ပြန်ခုတ်ဖို့ကြိုးစားတဲ့ ဓါးကိုင်သောင်းကျန်းနေသူများအား ဖမ်းဆီးအရေးယူ

မန္တလေးတိုင်းဒေသကြီးရဲတပ်ဖွဲ့၊ တိုင်းမှုခင်းအကူဌာနစိတ်မှ တပ်ဖွဲ့ဝင်များသည် သက်သေများနှင့်အတူ မှုခင်းကျဆင်းရေး ဆောင်ရွက်နေစဉ် ၉-၅-၂၀၁၉ ရက်နေ့ ည ၁၀ နာရီအချိန်ခန့်တွင် မှုခင်းကျဆင်းရေးစီမံချက်ဆောင်ရွက်စဉ်

အရပ်ဝတ်ဖြင့်သွင်ယူပြီး ဆိုင်ကယ်နှင့် ဒုစရိုက်သမားများအား စုံစမ်းဖမ်းဆီးရန် ပြည်ကြီးတံခွန်မြို့နယ်၊ ၇၄ လမ်းနှင့် ၇၃ လမ်းကြား၊ မင်္ဂလာလမ်းအတိုင်း အနောက်မှ အရှေ့သို့ မောင်းနှင်လာစဉ်

မင်္ဂလာလမ်းအတိုင်း မျက်နှာချင်းဆိုင်မှ၅၄ယ/၈၆၁၁၉၊ ဟွန်ဒါကလစ် အနက်ရောင် ဆိုင်ကယ်အား ရော်ဂဲ မောင်းနှင်ပြီး ကိုမောင် နှင့် ရဲလေး ဓါးရှည်ကိုင်လျှက်နှင့်လည်းကောင်း၊

ကန်ဘို စီဇက်အိုင် ခဲ/နက် ရောင်ဆိုင်ကယ်အား မျိုးမင်းသူမှ မောင်းနှင်ပြီး သားမွန်စိုးမှ ဓါးရှည်ကိုင်လျှက်နှင့်လည်းကောင်း၊၄၂/၆၅၁၄၈ ခဲ/နက်ရောင် စူပါအမ်ဘို စီဇက်အိုင် ၁၂၅ ဆိုင်ကယ်အား ဘိုဟိန်းကျော်(ခ)ဘိုဘို မောင်းနှင်ပြီး မြင့်နိုင်(ခ)ဆံရှည်မှ ဓါးရှည်ကိုင်လျှက်နှင့် လည်းကောင်း..

စုစုပေါင်း ဆိုင်ကယ်(၃)စီးအား တွေ့ရှိရသဖြင့် ဆိုင်ကယ်များအား ရပ်ရန်ပြောစဉ် မရပ်ဘဲ မောင်းနှင်ထွက်ပြေးရာ ၎င်းတို့ဆိုင်ကယ် အချင်းချင်း ချိတ်မိပြီး လဲသွားစဉ် ဘိုဟိန်းကျော် (ခ)ဘိုဘို၊ မြင့်နိုင်၊ မိုးမင်းသူ၊ သာမွန်စိုး(ခ)မွန်ထီး၊ ကိုမောင်၊ ရော်ဂဲ၊ ရဲလေးတို့(၇)ဦးမှ..

တပ်ဖွဲ့ဝင်များအား ဓါးများကိုင်၍ ခုတ်ရန် ပြေးလာစဉ် ရဲတပ်ဖွဲ့ဝင်များဖြစ်ကြောင်း ဓါးများအားအောက်သို့ချရန် အကြိမ်ကြိမ်ပြောဆိုခဲ့ သော်လည်း ဓါးရှည်များအားမချဘဲ ခုတ်ရန်ပြေးဝင်လာစဉ် သေနတ်ဖြင့် (၁)ချက်ခြောက်လှန့်ပစ်ခဲ့ရာ တရားခံများမှာ ၎င်းတို့ စီးနင်းလာသော ဆိုင်ကယ်များထားခဲ့ပြီး ဓါးများကိုင်ဆောင်ကာ ထွက်ပြေးသွား၍ လိုက်လံဖမ်းဆီးစဉ်..

ကိုမောင်၊ ဘိုဟိန်းကျော်(ခ)ဘိုဘို၊ မြင့်နိုင်၊ မိုးမင်းသူ၊ သားမွန်စိုး(ခ) မွန်ထီး တို့(၅)ဦးအား ဓါးရှည်များနှင့် ဖမ်းဆီးရမိသဖြင့် ပြည်ကြီးတံခွန်မြို့မရဲစခန်း (ပ)၄၉၁/၂၀၁၉၊ လက်နက်ပုဒ်မ ၁၉(င)ဖြင့် လည်းကောင်း၊ ကိုမောင်၊ ဘိုဟိန်းကျော် (ခ)ဘိုဘို၊ မြင့်နိုင်၊ မိုးမင်းသူ၊ သားမွန်စိုး(ခ)မွန်ထီး တို့(၅)ဦးသည် တာဝန်ဝတ္တရား ထမ်းဆောင် နေသော ရဲတပ်ဖွဲ့ဝင်များဖြစ်ကြောင်း သိလျှက်နှင့်

တာဝန် ဝတ္တရားထမ်းဆောင်မရအောင် ဟန့်တားနှောက်ယှက်သဖြင့် ပြည်ကြီးတံခွန်မြို့မရဲစခန်း(ပ)၄၉၂/၂၀၁၉၊ ရာဇသတ်ကြီးပုဒ်မ ၃၅၃/၁၁၄ ဖြင့် လည်းကောင်း အသီးသီးအမှုဖွင့်စစ်ဆေးဆောင်ရွက် လျက်ရှိကြောင်းသတင်းရရှိသည်။

Facebook Comments