မီးဖြတ်လို့ဆိုပြီး လျှပ်စစ်ဌာန ဝန်ထမ်းတစ်ဦးကို ၀ိုင်းဝန်း ရိုက်နှက်မှုဖြစ်ပွား

မီးဖြတ်လို့ဆိုပြီး လျှပ်စစ်ဌာန ဝန်ထမ်းတစ်ဦးကို ၀ိုင်းဝန်း ရိုက်နှက်မှုဖြစ်ပွား

ချင်းပြည်နယ် မတူပီမြို့ လျှပ်စစ်ဌာန ဝန်ထမ်းတစ်ဦးကို မီးဖြတ်လို့ဆိုပြီး မတူပီဌာနေတပ်က တပ်မတော်သား ခြောက်ဦးက လာရောက်ပြီး ရိုက်နက်သွားတယ်လို့ ချင်းလူ့အခွင့်အရေးအဖွဲ့က မေလ ၁ဝ ရက်နေ့ နေ့စွဲနဲ့ သတင်းထုတ်ပြန်ထားပါတယ်။

ဒီရိုက်နှက်မှုဟာ ဧပြီလ ၂ဝ ရက်နေ့ကဖြစ်ခဲ့ပြီး အရိုက်ခံရတဲ့ ဝန်ထမ်း စလိုင်း ဘာဝီ ဟာ မတူပီမြို့ ဘန်တလာရေအားလျှပ်စစ်စက်ရုံက ဝန်ထမ်းတစ်ဦးဖြစ်ပါတယ်။

မတူပီဌာနေတပ်က တပ်မတော်သားတွေရဲ့ ရိုက်နှက်မှုခံရတဲ့ မတူပီမြို့ လျှပ်စစ်ဌာနဝန်ထမ်း စလိုင်းဘာဝီ ကို တွေ့ရစဉ်

ဘုန်တလာရေအားလျှပ်စစ် စက်ရုံက ဝန်ထမ်းတစ်ဦးကို တပ်မတော်သားတွေ ရိုက်နှက်သွားကြောင်း ချင်းလူ့အခွင့်အရေးအဖွဲ့က ထုတ်ပြန်ချက်နဲ့ ပတ်သက်ပြီး တပ်မတော် သတင်းမှန် ပြန်ကြားရေးအဖွဲ့ ပြောရေးဆိုခွင့်ရှိသူတွေကို RFA က ဆက်သွယ်ဖို့ ကြိုးစားနေဆဲဖြစ်ပါတယ်။

Facebook Comments